Como facer un iniciador para unha aplicación de Wine?
O máis seguro é que queiras facer un iniciador para Spotify, pero isto serve para calqera aplicación que corra baixo Wine.
A cousa é máis sinxela do que parece: Cando creas o iniciador (sexa no escritorio, nunha barra, nun menú, nun cartafol… onde sexa) onde di “comando” tes que escribir: wine /ruta do executábel/
Pero se eu intetei iso ducias de veces!! Que é o que fixen mal?
O “truco” está en meter entre comiñas os nomes dos cartafois que conteñan espazos. Os enderezos das aplicacións de Wine sempre terán un Program Files ou un Archivos de Programas polo medio, así que hai que pór as comiñas para que fique todo xunto: wine /”ruta do executábel”/
Para que quede máis claro: wine /home/usuario/.wine/dosdevices/c:/”Program Files”/Spotify/spotify.exe
Recordade tamén que isto é case sensitive e hai que respectar maiúsculas e minúsculas.
